বেটুপাত

বেটুপাত

Thursday, 30 August 2018

জীয়া মানুহৰ ঘৰ ( সৌৰভজ্যোতি দত্ত )

জীয়া মানুহৰ ঘৰ
°°°°°°°°°°°°°°°°
জীয়া মানুহবোৰ এদিন ফটোগ্ৰাফ হৈ
দেৱালত ওলমি থাকে

মানুহৰ হেনো দুখন ঘৰ,
এখন জিৰনিৰ,আনখন চিৰদিনৰ

সোঁৱৰণিৰ ৰাতিবোৰত কলপুলি
এটি ৰখীয়া হৈ পৰে
জীয়া মানুহবোৰৰ আচল ঘৰ(মৰিশালি) ৰ

এদিন এই মানুুহবোৰ
মৰিশালিবোৰত নিসংগ হৈ পৰি থাকে
সাৰে থাকে এটাৰ পাছত এটা ৰাতি
জোপ লৈ বহি থাকে অশৰীৰ মানুহবোৰ
মৰিশালিৰ মানুহবোৰৰ চকুপানী
টুকিবলৈ কাষত কোনো নাথাকে

জিলীৰ পেটত পুত খাই পৰে তেতিয়া
আজিৰ জীয়া মানুুবোৰৰ বিননি
আজিৰ জীয়া মানুুবোৰক তেতিয়া
ৰ'দে নুপুৰে,ভোকে নদহে

যিদৰে চালকে নাৰাখে মনত যাত্ৰীক ঠিকনা
মানুুহবোৰো এদিন অতিত হৈ হেৰাই যায় ,
কোনেও নজনাকৈ
আৰু দেহত গজিব ধৰে দলঘাঁহ 

এৰি থৈ অহা দিনবোৰৰ দৰে এৰি থৈ অহা
মানুহবোৰৰো
পৃথিৱীয়ে সাঁচি নাৰাখে কোনো স্মৃতি ।
----------------------
-সৌৰভজ্যোতি দত্ত
(৯৬১৩৭০১০৫৪)

No comments:

Post a Comment