বেটুপাত

বেটুপাত

Thursday, 22 February 2018

যন্ত্ৰণা

 যন্ত্ৰণা মাথোঁ  যন্ত্ৰণা
            চৌদিশে আফাল খাই 
                         পৰা যন্ত্ৰণা ।
         ভাগি আহিছে হৃদয় বোৰ 
                  মন বোৰ আহত --
                   মানৱতাৰ স্খলনত ,
           যাতনা -বেদনা 
           একিভূত হৈ ৰ'ল হৃদয়ত ।
যাতনাত চকুলো 
যন্ত্ৰণাত উচুপনি 
যাতনাতে ৰচে মায়া
যন্ত্ৰণাতে সাজে হৃদয়ৰ পজাঁ ।
              স্খলিত মানুহৰ 
                বিৰুদ্ধে কৰোঁ 
                 মই ব্ৰজকন্ঠে
                  মনত স্পষ্টতা
                  হৃদয়ত দৃঢ়তা
                   বুকুত সততা  লৈ ।
যন্ত্ৰণাৰ দুৰ্গন্ধত
যাতনা বাঢ়ে 
জীয়াই থকাৰ 
হেঁপাহ টুটে 
চৌদিশে মাথোঁ 
পৈশাচিক অট্টহাস্য
 মইবৰ ,আত্মঅহংকাৰ
               মানৱতাৰ ৰৌদ্ৰতাপত 
                                দহিছে আজি 
                                  মাথো যাতনাৰ 
                                          ভৰত ।

হীৰামনি শৰ্মা উপমন্যু
 বেলতলা ।
গুৱাহাটী -28

No comments:

Post a Comment