বেটুপাত

বেটুপাত

Saturday, 13 January 2018

জাৰৰ কবিতা


              কুঁৱলি স্নিগ্ধ সন্ধিয়াত
      
              নিয়ৰ সেমেকা বাসনা বোৰে

              অফূৰন্ত অনুভৱ লৈ

     এজাক শীত হৈ নামি আহে

আকাশৰ নীলা চালৰ তলত

                এটি সাৱলীল কবিতাৰ দৰে

                          জগাই তোলে শীতৰ --
 
                                  স্নেহস্পৰ্শই মোৰ

              অনুভৱী  মনত শব্দৰ মধুছন্দ্ৰিকা

                           যাৰ তীব্রতাই বঢ়াই তোলে

                          মাদকতা সনা শীতৰ সুবাসত--
         
        কুঁৱলি য়ে জোৰণ পিন্ধোৱা এটি  জোনাকৰ

                       চঞ্চল সমীৰণত
        
                      শীতৰ অন্তস্পৰ্শী স্পৰ্শত শব্দ

                                  নিগৰি আহি

                               উন্মোচিত কৰে -

                                 বুকুৰ মোহনাত.......
       
                    এমুঠি জাৰৰ কবিতা
                           


হীৰামনি শৰ্মা উপমান্যু 
গুৱাহাটী -28

No comments:

Post a Comment