বেটুপাত

বেটুপাত

Tuesday, 21 November 2017

মোৰ বাৰে তুমি আজুৰি নিছিঙিবা তোমাৰ পদূলিৰ ৰজনীগন্ধা

ফেচবুকতেই চিনাকি দুইটাৰ!! তাই যিমান চিৰিয়াচ সি সিমানেই ধেমেলিয়া!! প্ৰথমে ফ্ৰেণ্ডশ্বীপ তাৰপিছত সি তাইৰ প্ৰেমত পৰিল!! ভৱা কথা নহয় সিদ্ধি বাটত আছে কণা বিদ্ধি!! মাজত আভিজাত্যৰ এখন ওখ দেৱাল!! সি অবুজন আৰু তাই বাধ্য!! তাই তাৰ সৰ্বত্ৰ বিয়পি পৰিছে!! নোপোৱাৰ বেদনাবোৰে চিৎকাৰ কৰি বিচ্ছেদৰ ৰূপ ল'লে!! ফেচবুক/ৱাটচআপ/ফোন সকলোতে তাই ব্লক কৰি দিলে তাক!! নোৱাৰে তাই কোনোপধ্যেই তাৰ প্ৰেমক সঁহাৰি জনাব!! উপায়ন্ত তাই!!

এটা বছৰ পাৰ হৈ গ'ল...................

কিন্তু মনটোতো আৰু টেকনলজি নহয়!! যে ক্লিক কৰিলে আৰু ব্লক হৈ গ'ল!! আবেগৰ ওচৰত হাৰ মানি আকৌ কাষ চাপিল দুইটা!!
প্ৰথমতে অলপ attitude, যেন একো হোৱাই নাছিল!! তাৰপিছত অলপ অভিমান মিহলি গালি!! আৰু শেষত পাৰ ভঙা চকুলো!! আৰু লগ লোৱাৰ দুৰ্বাৰ হেঁপাহ!!

কথাবোৰ ভাৱি থাকোতে কেতিয়া তাই ৰেষ্টুৰেণ্ট পালেহি গমেই নাপালে!! বহি আছিল সি নিৰ্দিষ্ট চকীখনত!! প্ৰথম বাৰ লগ হৈছে দুইটা!! তাৰ যেন চকু আঁতৰিয়েই নাযাব তাইৰ মুখখনৰ পৰা!! সি সকলোতকৈ ধুনীয়া দেখা ছোৱালীজনী তাই!! ক'ৰপৰা জানো লাজ এসোপা আহি তাইৰ মুখত থোপ খাইছিল!! আজি যেন পৃথিৱীৰ সকলো সূখ তাহাঁত দুটাৰ নামত উৎসৰ্গিত!!

কিন্তু.....................

সপোনবোৰ কাঁচৰ দৰে থুনুকা!! তাৰ প্ৰেমত বৰ্তমান আনৰ অধিকাৰ!! সি কৈ গৈছিল কিদৰে তাইক হেৰুৱাই দিন-ৰাতি চকুলোৰে একাকাৰ হৈ গৈছিল!! তাই ঘূৰি যাব বুলি সপোনৰো অগোচৰ আছিল!! আৰু সেই বিৰহৰ দিনবোৰতেই ছোৱালী এজনীৰ লগত চিনাকি হৈছিল!! দুখ দুয়োটাৰে আছিল!! ছোৱালীজনীৰ পিতৃক হেৰুৱাৰ!! আৰু তাৰ প্ৰেমক হেৰুৱাৰ!! দুখবোৰে দুখবোৰক আকোঁৱালি  লৈছিল!! সি কৈ গৈছিল কম্পিত ওঁঠেৰে!! আৰু তাই মমৰ পুতলা!! তাৰ শব্দৰ উত্তাপত গলিছিল!!

সি ক'লে মোৰ হৃদয়খন অকল তোমাৰ!! মই আনৰ হৈ যাম কিন্তু মোৰ ভালপোৱাখিনি কেৱল তোমাৰ!! এতিয়া তুমিয়েই কোৱা মই কি কৰিলে তুমি সুখী হ'বা??

তাইৰ চকুপানীখিনি মচিবলৈ আগবাঢ়ি অহা তাৰ হাতখনক বাধা দি তাক ক'লে.............
"তুমি তাইক সুখী ৰাখিলেই মইও সুখী হ'ম!!"

বেগতো হাতত লৈ মুখত হাঁহিটো লৈ উঠি গ'ল তাই...........

স্বাগতা শইকীয়া

2 comments:

  1. This comment has been removed by the author.

    ReplyDelete
  2. সুন্দৰ৷ ভাল লাগিল পঢ়ি৷

    ReplyDelete