বেটুপাত

বেটুপাত

Tuesday, 21 November 2017

প্ৰেম মানে কি


          প্ৰেম মানেনো কি 
      মই শুধিছিলো আকাশক
     আকাশে ক'লে মনৰ বিশালতাৰ
                   মাজতে আছে ৰৈ !
মনৰ উদাৰতাকে শুধা গৈ
বিশালতা -উদাৰতা -মানৱতাৰ --
                মিলনে জীপাল কৰে হিয়া ,
হৃদয়ৰ মাজত জোনাক প্ৰশান্তিৰ -
                      নম্ৰতা -মধুৰতা সিঁচি দি--
                                 আঙুলি বুলাই দিয়া ,
                      যন্ত্ৰণাময় জীৱনত সুখৰ পোহৰ --
                      বোৱাই দুচকুত আশাৰ ৰেঙনিত
                                           প্ৰেমৰ চিকমিকনি !
আঙুলিত আঙুলি থৈ
প্ৰেম আহে হৃদয় ভৰাই ।
প্ৰেমৰ নাই হিচাপ -নিকাচ ,
প্ৰেমটো নহয় গণিতৰ সূত্ৰ -
                    জ্যামিতিৰ ত্ৰিকোণত -
                    বিন্দু ৰ মাজেৰে সৰলৰেখা টানি 
                         জোখা যায় জানো  প্ৰেম
                     নে বিজ্ঞানৰ মাজতে 
                          পোৱা যায় প্ৰেম -
                      ভালপোৱাৰ অনুভৱ !
ভালপোৱা কাক কয়
জানিম জানো   গৱেষণাগাৰত গৱেষণা কৰি 
                         নে ক্ৰচিংচেন্টাৰত টিউচন লৈ ?
           
            
আকাশে ক 'লে ভালপোৱা হৈ যায় 
                         নিজানে -নিৰলে ---
                         সৰল এটি সংজ্ঞা হৈ ।
তুমি  উচুপি উঠিলা
             মোৰ    হৃদয়ত অনুভৱ  এটি হ'ল
                  এয়াই প্ৰেম !
এক বিশাল সাগৰ
                   মানৱতাৰ মাজত প্ৰেম গজি উঠে -
                            সেউজীয়া এডোৰা হৈ ।


              হীৰামনি শৰ্মা উপমান্যু

No comments:

Post a Comment