বেটুপাত

বেটুপাত

Wednesday, 22 November 2017

তোমাৰ প্ৰেমিক হৈ পৰিছো

শব্দবোৰে কৰবালৈ ঢাপলি মেলিছে
মইচোন টেবুলৰ কাষতে,
মোৰ হাতৰ কলমটোও থমকি ৰৈছে
কোলাহলে কিয় বাৰে বাৰে আগুৰি ধৰিছে
সকলো জানিও আজি  মই নিঃশব্দ হৈ ৰৈছো
মনটোৱে কিয় বাৰে বাৰে তোমাৰ কাষলৈ ঢাপলি মেলিছে ৷
উৰি যোৱা মনটোক শব্দৰ মাজত বিলাব পৰা নাই
তুমি ধৰি ৰাখিছা কিয়...?

সেই গণেশ ঘাটৰ লুইতৰ বালিত বহি
প্ৰেমে সনা মিঠা সময় বোৰ ভাবি ভাল লাগে
মুকলি আকাশৰ তলৰ মুক্ত বতাহে
মনটো তোমাৰ কাষলৈ উৰোৱাই নিয়ে
অগ্নিগড়ৰ শিখৰত বহি নিজান সময়বোৰৰ লগত
তোমাৰ মৰম বোৰৰ কথা ভবি
কেতিয়াবা মই অকলেই মিচিকিয়াই থাকো
কাৰণ মই যে তোমাৰ প্ৰেমিক হৈ পৰিছো ৷

পল্লৱ তামুলী ফুকন
লখিমপুৰ

1 comment: