বেটুপাত

বেটুপাত

Wednesday, 22 November 2017

মুখ্য সম্পাদকৰ কলমত

"আঘোনৰ সোণোৱালী পথাৰ, হাতত কাঁচিখন লৈ সোণ বুটলিবলৈ গৈছে আমাৰ জীয়ৰী-বোৱাৰীসকল। ডেকাসকলে কান্ধত উপচাই আনিছে গুটিধান ভড়াললৈ বুলি।"
এখন সুন্দৰ প্ৰতিছব্বি গ্ৰাম্য জীৱনৰ। কিন্ত সেই শান্তিক যেন মষিমূৰ কৰিবলৈ বাৰে বাৰে আহি আছে কিছুমান দেশবিৰোধী শক্তি , জাতিবিৰোধী শক্তি। হিন্দু-মুছলমান, খিলঞ্জীয়া-থলুৱা, দেশী-বালাংদেশী এই শব্দবোৰে যে প্ৰদূষিত কৰিছে অসমৰ বায়ু-পানী। ভাতৃঘাতী সংঘাতত লিপ্ত হবলৈও যে কুণ্ঠাবোধ কৰা নাই আমি ঐক্য,সংস্কৃতি বিনাশ কৰি। এচাম দুষ্টচক্ৰৰ প্ৰৰোচনাত পৰি এচাম হৈ পৰিছে উদ্ভান্ত। নিজৰ সন্তানৰ বয়সৰ, নিজৰ নাতিয়েকৰ বয়সৰ  যুৱকে ফেচবুকত অশ্লীল শব্দবাণেৰে গালি পাৰিব পৰা ' ৰাজ্যৰ বৰেণ্য ব্যক্তিসকলক। ৰাজ্য জোকাৰি যোৱা প্ৰতিবাদ। বাধ্য কৰা ' এজন বিশিষ্ট ব্যক্তিক ৰাজহুৱা জীবন ত্যাগ কৰিবলৈ।
এই সকলোবোৰ ঘাত-প্ৰতিঘাত বুকুত সামৰি এদেও-দুদেও কৈ আগবাঢ়ি গৈ আছিল আমাৰ জাতিটো। কিন্ত যোৱাকালি পালো এক মুক্ষম আঘাত। অপূৰণীয় ক্ষতি জাতীয় জীৱনৰ, সাংস্কৃতিক জীৱনৰ।
 স্বগীয় চিৰসেউজ অভিনেতা বিজু ফুকনৰ মৃত্যুৰ বাতৰিত আমি মৰ্মাহত। সুবাসৰ পৰিয়ালৰ পৰা তেখেতৰ আত্মাই চিৰশান্তি লাভ কৰাৰ উদ্দেশ্য নেদেখাজনৰ ওচৰত সেৱা আগবঢ়ালো।
শেষত সুবাস আলোচনীখন প্ৰকাশত হোৱা বিলম্বৰ বাবে ৰাইজৰ ওচৰত ক্ষমা ভিক্ষাৰে আৰু সুবাসৰ মুখ্য সম্পাদকৰ গুৰু দ্বায়িত্ব পালনত হোৱা ভুলৰ বাবে পুনৰ এবাৰে ক্ষমাৰে, মোক সহায় কৰা সুবাসৰ প্ৰতিজন কৰ্মকতা (বিশেষকৈ পল্লব ভাইটি) আন্তৰিক ধন্যবাদ জনাই আপোনালোকৰ হাতত তুলি দিলো সুবাসৰ নবেম্বৰ মাহৰ খণ্ডটি।

ধন্যবাদেৰে

দেৱব্ৰত শৰ্মা
মুখ্য সম্পাদক

সুবাস

No comments:

Post a Comment