বেটুপাত

বেটুপাত

Saturday, 15 April 2017

যৌতুক

বহাগত
আমাৰ পদূলিৰ নঙলা
 খোলা থাকিব
বৰপেৰা খুলি আইয়ে
কাণৰ কেৰুযোৰ
তুলি দিছে পিতাইৰ হাতত
দৰা বৰণৰ আঙঠিৰে
শুৱাব জোঁৱাইৰ অনামিকা আঙুলি   
 নদীবোৰ 
গাভৰু হোৱাৰ পৰত
নপানীত ভাঁহি আহিছে
বাঁহ পাতৰ গোন্ধ
জেতুকা বুলীয়া সপোন এটাই
বুকুৰ মধ্যমণিত বাঁহ সাজোতেই
দুৰু দুৰু কঁপিছে হৃদয়ৰ কোণ       
 মোৰ নতুন জীৱনৰ যাত্ৰাত      
 আওল লাগিছে                       
পিতাইৰ শস্যৰ পথাৰ              
তিতাচপা কাঠৰ আচবাবত আহুতি
পিতাইৰ শতাব্দী প্ৰাচীন               
এক জীয়া সপোন 
যৌতুকৰ পেণ্ডোলামত                                      
ওলমি আছে                               
আধুনিক মানুহৰ আভিজাত্য       
দুদিন পাছত                                
আইৰ ঘৰ এৰি মই আঁতৰি যাম     
চাদৰৰ আঁচলেৰে                        
চকুলো মুহাৰি মুহাৰি                   
আইৰ আৰু পিতাইৰ                    
দৰিদ্ৰতাৰ সতে
সহবাস চাম |                         

  শ্ৰীমন্ত দত্ত                                 

No comments:

Post a Comment