বেটুপাত

বেটুপাত

Friday, 14 April 2017

বাস্তৱবোধহ্যত মোৰ অক্লিকাণ্ডা জীৱন



বহু তুচ্ছ-তাচ্চিল্য দুৰ্ভিক্ষপীড়িত শূন্যতা মোৰ ,
অপাংক্তেয় প্ৰভন্জনে ভ্ৰান্তিহীনভাৱে
অন্তহীন বীভৎস কৰিছে মোক
নিসংগতাৰ বহুলাংশ উষ্ণ চুম্বনত,
হেৰুৱাই পেলাইছো মাথোঁ মোৰ আত্মপৰিচয়
মোৰ চকুৰ আগত ভাহি আহিছে
শ্মশানৰ দপদপকৈ জ্বলি উঠা জুইকুৰা ,
মইতো অশ্লাঘ্য নহয়...
মাথোঁ দাৰিদ্য-পীড়িত নিঃসম্বলৰ পালংকত ,
অপ্রকৃতিষ্ঠভাৱে নাৰীত্ব বিলাইছো মই
মোৰ আত্মপ্রীতি নথকা নহয়,
কিন্তু এই আত্মপ্রীতি কদৰ্য , ভয়ংকৰ
হয়তো মৃত্যুৱে মোৰ সুখ ,
জন্মাৰ্জিত বৈচিত্র্যৰ এই পৃথিৱীত
অগ্য়েয়-প্রসূত মোৰ নিৰংকুশ জীৱন ।
এয়া ৰত্নখচিত পালংকত মোৰ ,
অস্থি-চৰ্মবিহীন ভোকাতুৰ দেহা ।
কি যে বৈচিত্র্য, অনিত্য জীৱন মোৰ ...
এৰা ...বহু নৰখাদকৰ বিকৃত ,অসংবৃত
কুন্ধছ নায়িকা হ'লো মই ।
.....তেনেকৈয়ে আজি মোৰ মৃত্যু হ'ল ,
আৰু নৈশ-নিস্বনযুক্ত মোৰ অশ্লাঘ্য শৰীৰ
পৰি ৰ'ল ডাস্টবিনত......।
সচাঁকৈ বাস্তৱবোধহ্যত মোৰ অক্লিকাণ্ডা জীৱন ।


ভৃগুপতি হাজৰিকা 


No comments:

Post a Comment