বেটুপাত

বেটুপাত

Saturday, 15 April 2017

সম্পাদকীয়

        

           
              ধৰণীয়ে এতিয়া ন সাজ পিন্ধাৰ সময় । ফাগুনৰ পছোৱাই লঙঠা কৰা উকা বিৰিখৰ ডালত ন কুৃঁহিপাতে সেউজ ৰং সানিছে | বসন্তৰ আগমনে পৃথিৱীখন আকৌ ন ৰূপেৰে সজাই তুলিছে |
         
              প্ৰতিজন মানুহে জীৱনৰ পথত আগুৱাই যাবলৈ বিভিন্ন ধৰণৰ প্ৰত্যাহ্বানৰ সন্মুখীন হ'ব লগা হয় । গভীৰ ভাবে ভাৱি চালে দেখা যায় জীৱনটো যেন এক ৰহস্য । এপলক সময় পাৰ হৈ যোৱা মানে জীৱনৰ পৰা এপলক সময় বিয়োগ হৈ যোৱা । মৃত্যুৰ লগে লগে এটা জীৱন ধূলিৰ লগত মিহলি হৈ যায় চিৰদিনলৈ । জীৱনৰ প্ৰতিটো পলেই প্ৰতিজন ব্যক্তিৰ বাবেই মুল্যৱান | এই  মুল্যৱান ক্ষণ  যদি আমি আমাৰ প্ৰত্যেকৰে সৃষ্টিশীলতাৰে সুন্দৰভাৱে সজাই তোলো তেন্তে এই জীৱনৰ সাৰ্থকতা বিচাৰি পোৱা যাব । সকলোৰে বাবে থাকে অতীত , বৰ্তমান আৰু ভৱিষ্যত । সময়ৰ গতিৰ সুতৰ কোনো বিৰতি নাই । এই গতিৰ প্ৰতিটো ক্ষণতে সন্মুখীন  হ'ব লগা হয় ন ন সমস্যা আৰু প্ৰত্যাহ্বানৰ । কিন্তু এই সকলোবোৰ নেওচি আমি যদি আত্মশক্তিক জগাই তুলি আগুৱাই যাব পাৰোঁ তেন্তে জীৱনৰ প্ৰতিটো ক্ষণ সোণালী হব আমাৰ হাতৰ মুঠিত । সেয়েহে প্ৰত্যেক ব্যক্তিৰ মাজত লুকাই থকা বিভিন্ন  জ্ঞান  আৰু সৃষ্টিশীল অনুভৱ মুকলিভাৱে প্ৰকাশ কৰাৰ এটি সপোনৰ উদয়াচলত আপোনলোকৈ বুলি আগবঢ়ালো "সুবাস" ৰ প্ৰথম বছৰৰ প্ৰথম সংখ্যা ।

      

       ধন্যবাদেৰে
      
      মৰমীকা সন্দিকৈ [ প্ৰিয়া ]      
      সম্পাদিকা

No comments:

Post a Comment