বেটুপাত

বেটুপাত

Saturday, 15 April 2017

অপ্ৰাপ্তি

ষ্ট্ৰীট লাইটে খেদিব নোৱাৰা এন্ধাৰেৰে উজাই আহে পুৰাতন দুখ।
শেষ প্ৰহৰৰ ভোটা তৰাৰ চকুলো মোৰ দুচকুৰে নিগৰে।
অদূৰত..!!!
তমসাৰ প্ৰলেপ সানি কিবা এটাই অগাদেৱা কৰে। ফেউৰাৰ বিলাপত
এঙামুৰি দি উঠে ফৰিংফুটা জোনাক।
ঘিটমিটীয়া নিশা এটাই কলিজাৰ সোঁমাজত বতিয়াই দিয়ে সোঁৱৰণিৰ হতাশা !!!!
একা-বেঁকা পথৰ ধূলিয়ৰি কেঁকুৰিটোৱে সাঁচি থয় লক্ষ্যভ্ৰষ্ট খোজৰ অসংখ্য দাগ। আৰু
মই বাঁহফুলৰ বাগিচাত বহি লেখি থাকো অপ্ৰাপ্তিৰ এপিটাফ!


দেৱাশিস বুঢ়াগোহাঁই

No comments:

Post a Comment