বেটুপাত

বেটুপাত

Saturday, 15 April 2017

মুখ্য সম্পাদকৰ কলমত

"Good decision come from experience, but experience comes from bad decision"
Dr.A.P.J. Abdul Kalam

শ্ৰদ্ধাৰ এ.পি.জে. আব্দুল কালামদেৱৰ এই সোণসেৰীয়া বাক্যশাৰী শিৰোগত কৰি আমি বাট বুলিছো সাহিত্যৰ বিশাল পথাৰত খোজ পেলাবলৈ ।

বসন্ত ঋৃতুৰ আৰ্বিভাৱৰ সময়ত নৰূপে ধৰা দিছে প্ৰকৃতি, কিন্ত এতিয়াও যেন আমি আমাৰ মনবোৰ সজাই তুলিব পৰা নাই নৰূপে ।

দৈনন্দিন জীৱনৰ হাজাৰটা সম্স্যাৰ বোজাত যেন কৰবাত লুকাই গল আমাৰ কৌটিকলীয়া সপোনৰ আখলখন । শিপাৰ পৰা বিচ্চিন্ন নোহোৱাকৈ নতুনত্বত সেউজীয়া হোৱাটো কঠিন যদিও আমি পাৰ কৰিব লাগিব সেই প্ৰত্যাহ্বানবোৰ হাঁহিমুখে ।সমালোচনা পৰিহাৰ কৰি কৰ্মৰে সৃষ্টিশীলতাৰ নিৰ্দশন দাঙি ধৰিবলৈ চেষ্টা অব্যাহত ৰখাৰ সমৰত হয়তো বহুতো বিনাশকাৰী শক্তিয়ে বাধা সৃষ্টি কৰিবও পাৰে, কিন্ত তাক আমি ওফৰাই পেলাব লাগিব প্ৰচণ্ড ইচ্ছাশক্তিৰ প্ৰহাৰত ।

"সুবাস" আমাৰ তাৎক্ষণিক পৰিকল্পনাৰ পথাৰত সিঁচা কঠীয়াহে মাত্ৰ । আমি আগন্তক দিনবোৰত চেষ্টা অব্যাহত ৰাখিম এই কঠীয়াৰে জীপাল কৰিবলৈ অসমৰ সাহিত্যৰ ভঁড়াল । আপোনালোকৰ আৰ্শীবাদ অৱশ্যেই আমাৰ কাম্য |

এইচেগতে মুখ্য সম্পাদকৰ গুৰুদায়িত্ব পালনত পদে পদে হোৱা প্ৰতিটো ভূলৰ বাবে মই "সুবাস" ৰ সমূহ পাঠকবৃন্দৰ ওচৰত ক্ষমাপ্ৰাৰ্থী । আশাকৰো আপোনাসবৰ ধনাত্মক সমালোচনা তথা দিহা পৰামৰ্শই আমাক আভা প্ৰদান কৰিব উজ্বলতাৰ । পাঠকবৃন্দৰ প্ৰতিটো মন্তব্যই দিগদৰ্শন কৰিব "সুবাস"ৰ ভৱিষ্যতৰ ।

শেষত আমি যিমানেই উন্নতি নকৰো কিয়, যিমানেই উচ্চ জীৱন যাপন নকৰো কিয়, আমি সদায়েই শিপাক খামুচি আগ বঢ়াৰ প্ৰতিশ্ৰুতিৰে

দেৱব্ৰত শৰ্মা
মুখ্য সম্পাদক
সুবাস

2 comments: