বেটুপাত

বেটুপাত

Tuesday, 15 January 2019

সম্পাদকীয় : ভোগালীৰ স্বকীয়তা

              নমস্কাৰ । প্ৰথমে সকলোলৈকে ভোগৰ উৎসৱ  আদৰৰ ভোগালী বিহুৰ আন্তৰিক শুভেচ্ছা জ্ঞাপন কৰিছোঁ । এতিয়া সকলোফালে উৎসৱ মূখৰ পৰিৱেশ । যেনিয়ে চাওঁ তেনিয়ে ভোগৰ সামগ্ৰীৰে বজাৰ ভৰপূৰ । ৰাইজে দুদিন মানৰ আগতে পুৰণা বছৰৰ বিদায় আৰু নতুন বছৰক আদৰিবলৈ বুলি দবনি পিতি খাইছিলহে আকৌ এতিয়া আমাৰ ভোগালী আহি নঙলা মূখত । এতিয়া কথা হ'ল আমাৰ বাপতিসাহোন মাঘৰ বিহু মানে এয়াই নেকি যে আমি লাখ লাখ টকা চান্দা তুলি আনক দেখুৱাই বৃহৎ বৃহৎ ভেলাঘৰ সাজিছোঁ , বা কিছুমান বৈদ্যুতিক সংবাদ মাধ্যমে আয়োজন কৰা অনুষ্ঠানত এপাক নাচিবলৈ উত্ৰাৱল হৈ পৰিছোঁ , গাঁৱৰ আজলী খুড়ীদেউ , মাহীদেউহতঁক বাদ দি দূৰদৰ্শনৰ অনুষ্ঠানত এযোৰ নতুন মুগাৰ সাজ পিন্ধি বিভিন্ন জা-জলপান পিঠাৰ ব্যাখ্যা দিছোঁ । প্ৰতিযোগিতাৰ দৌৰত আমি কি হেৰুৱাইছো কি পাইছো আজি পৰ্যালোচনা কৰাৰ সময় আহি পৰিছে । আমাৰ উঠি অহা নৱ প্ৰজন্মক আমি ভোগালী বিহুৰ কি সংজ্ঞা দিব পাৰিছোঁ ? প্ৰকৃততে ভেলাঘৰ কি ?  ভেলাঘৰ হৈছে বাঁহ , কাঠ, নৰা, খেৰ আদিৰে প্ৰস্তুত কৰা এটি অস্থায়ী ঘৰ য'ত উৰুকাৰ ৰাতি সকলোৱে মিলি ভোজ ভাত খাই আৰু নানা হাঁহি তামাচাৰে ৰাতিটো উদযাপন কৰে । পিছদিনা দোকমোকালিতে অগ্নি দেৱতাক সেৱা জনাই মেজীৰ লগতে সেই ভেলাঘৰ জ্বলাই দিয়া হয় । অসমৰ বিভিন্ন কীৰ্তি চিহ্নৰ আৰ্হিত নিৰ্মাণ কৰা সেই লাখ লাখ টকা মূল্যৰ ভেলাঘৰবোৰ জ্বলাই দিয়াতো যুক্তি সংগত হ'ব পাৰে নে ? ভোগালীকে ৰঙালী কৰিবলৈ উঠি পৰি লগা সংবাদ মাধ্যম সমূহক আকোৱালি লোৱাটো কিমান যুক্তি সংগত ?
কিছুমান দুষ্ট চক্ৰই ব্যৱসায়ৰ বাবেই ভোগালী কেন্দ্ৰিক মেলা সমূহৰ সুযোগ লৈ বজাৰত মেলি দিছে সহজলভ্য সুৰাৰ বিপনী ।  উঠি অহা যুৱ-প্ৰজন্মক এনে অনুষ্ঠানে আকৰ্ষিত কৰিছে । ৰাইজ সজাগ হ'বৰ হ'ল । মদ বা সুৰা এক সামাজিক ব্যাধি । সুৰাৰ বিক্ৰীৰ হাৰ অসমত দিনক দিনে বাঢ়ি আহিছে ।
           হয় সংস্কৃতি বোঁৱতি নৈ, তথাপিও পানীৰ সোঁতত পৰি নিজৰ ৰাজহাড় পাহৰি যোৱাটো কোনোপধ্যে আদৰণীয় হব নোৱাৰে । ভোগালী বিহুৰ স্বকীয়তা আছে, আহক সেই স্বকীয়তা ধৰি ৰাখিবলৈ আজিৰে পৰা সংকল্পবদ্ধ হওঁ । শেষত আকৌ এবাৰ সুবাস আলোচনীৰ সমূহ পঢ়ুৱৈ তথা শুভকাংক্ষীক আমাৰ সম্পাদনা সমিতিৰ পৰা আন্তৰিক শুভেচ্ছা জ্ঞাপন কৰিলোঁ ।

-সৌৰভ অনুৰণ

Monday, 14 January 2019

অপেক্ষা আৰু কিছু আশা ( পংকু প্ৰিয়ম বাঢ়ৈ )


অপেক্ষা আৰু কিছু আশা

অহাৰ বাটেৰে যাবগৈ এদিন আদৰি অনা সময়বোৰ অতীত হোৱা সময়বোৰত কেতিয়াও ঘূৰি চোৱা নহ ভুল কৰিলো সময়ৰ বোঁৱতি নদীত আকৌ এটি নতুন ঘাটে যাব জীৱন দিঙা এৰি অহা সময়বোৰত পোৱা সুখ-দুখৰ হিচাপ আজিও নকৰো, ব্যস্ত হৈ পৰিম মাথো আজি সন্ধ্যাৰ কানিমুনি আন্ধাৰ হোৱালৈ নতুনক আদৰাৰ প্ৰস্তুতিতকৈ আগ্ৰহ বেছি সুৰাৰ জুতি বলৈ এনেকৈ আহিব নতুন সময়, মাথো সলনি বেৰত আঁৰি থোৱা কেলেণ্ডাৰখন বন্ধুৰ পৰা বাৰ্তা আহিব আৰু শুভকামনাৰে সকলো ভৰি পৰিব সঁচাকৈয়ে আহে জানো পৰিকল্পনাহীন সময়ত সুখৰ বাৰ্তা ! সাধাৰণ এটি জীৱন মোৰ, বৰ বেছি পোৱাৰ হাবিয়াস নাই মাথো যুঁজি আছো সময়ৰে তে, সাধাৰণ ভাবে জীয়াই থাকিবলৈ এইবাৰ সলনি সময় ! নতুন পৰিকল্পনাৰে আগুৱাম দিনবোৰ আজি গতানুগতিক নহয় সন্ধ্যা পোহৰলৈ অপেক্ষা কৰিম, সুৰাৰ ৰাগিত মাতাল নহৈ এটি নতুন দিনক আদৰি আনিম প্ৰতিটো নতুন পুৱাই উপহাৰ দিব এটি সুখৰ হাঁহি বুকুৰ গোপন সপোনবোৰ বাস্তৱত সজাই আদৰি আনিম অপেক্ষা আৰু আশাৰে এটি নতুন দিনলৈ

 পংকু প্ৰিয়ম বাঢ়ৈ


নৱবৰ্ষৰ প্ৰাকক্ষণত কিছু অনুভৱ.... ( বুলিমণি কলিতা )

      "অতীত যায় বাটেৰে তিয়াই দুবৰি
নতুন সিও আহে যে তাকেই গছকি "

      হয়, এয়া পুৰণিক বিদায় দি নতুনক আদৰি লোৱাৰ বতৰ সময়ৰ বোকোচাত উটি ভাঁহি আহি ২০১৮ বৰ্ষয়ো মেলানি মাগিলে আমাৰ পৰা দি ' সকলোকেই তিতা মিঠা অজস্ৰ স্মৃতি মনৰ এলবামত ঠাক ঠাককৈ সজাই গলো পুৰণি বছৰটোৰ হাজাৰটা অনুভৱ বেৰৰ পুৰণি কেলেণ্ডাৰ খন আঁতৰাই তাৰ ঠাইত লগালোঁ নতুন বছৰৰ নতুন কেলেণ্ডাৰ পুৰণি হৈ ' ২০১৮ বৰ্ষৰ ডায়েৰিখনো ' লিপিবদ্ধ হৈ ৰৈছিল অতীত হৈ যাব ধৰা বছৰটোৰ প্ৰাপ্তি অপ্ৰাপ্তিৰ হিচাপবোৰ মনে মনে সংগোপনে আমাৰ চকুৰ পলকতেই যেন পাৰ হৈ ' এটা বছৰ শীতৰ নিয়ৰসিক্ত সেমেকা দুবৰিত খোজ পেলাই আমাৰ মাজলৈ আহিল এটি নতুন বছৰ লগত লৈ কিছুমান নতুন আৱেগ আৰু নতুন অনুভূতি শীতৰ সেমেকা নিয়ৰৰ মাজেৰে লাস্যময়ী খোজেৰে এমুঠি হআশা, অনুভৱ তথা শান্তি-সম্প্ৰীতিৰ বীজ সিঁচি দিবলৈকেই যেন আহে নৱবৰ্ষ নৱবৰ্ষৰ আগমনে সকলোৰে দেহ মনত আনন্দৰ ফাকু ছটিয়াই দিয়ে আমাৰ প্ৰত্যেকৰে দৃষ্টি নিৱদ্ধ কৰে ভৱিষ্যতৰ ৰঙীন স্বপ্নবোৰত সকলোৱে নিজৰ নিজৰ ধৰণেৰে সজাই ' বিচাৰে নৱবৰ্ষৰ প্ৰতিটো ক্ষণ কোনোজন থমকি ৰয় হৈ যোৱা বছৰটোত হেৰাই যোৱাবোৰৰ ঠিকনা বিচাৰি এখন বিধ্বস্ত পৃথিৱীত, আৰু কোনোজনে হয়তো হেৰাই যোৱাবোৰক পাহৰি বিচৰাৰ চেষ্টা কৰে জীৱনৰ নতুন সংজ্ঞা সকলোৱেই হয়তো নৱবৰ্ষক আদৰিব নিজৰ ধৰণেৰে কোনোজনে যদি ৰঙা নীলা লাইটৰ পোহৰত বন্ধু বৰ্গৰ লগত কোনো বিলাসী ৰেষ্টুৰেণ্টত এটা মাতাল ৰাতিৰে নতুন বছৰক আদৰে আন কোনোৱে হয়তো নৱবৰ্ষৰ প্ৰথম দিনটোতেই হাহাকাৰ কৰিবলগা হয় অকণমান পোহৰৰ বাবে

       নতুন সময়ৰ হাতত ধৰি সকলো ক্ষেত্ৰতেই সলনি ' পৃথিৱীখন আধুনিকতাৰ উচ্চশিখৰত আৰু এঢাপ আগুৱাই গৈ বাট সলাব নতুন বছৰটিয়ে বহু আশা হেঁপাহেৰে নতুন বছৰটিক প্ৰত্যেকেই আদৰি নতুন বছৰৰ নতুন সময়বোৰ সকলোৰেই বাবে হওঁক যেন সুখৰ আৰম্ভণি পাৰ হৈ যোৱা বছৰটোৰ বেয়াবোৰ পাহৰি এয়া হওঁক এক নতুন আৰম্ভণি নতুন বছৰৰ প্ৰতিটো পল সুখ শান্তিৰে ভৰি পৰক পৃথিৱীৰ বুকুত শান্তি সম্প্ৰীতিৰ এনাজৰীডাল দৃঢ় হওঁক তাৰেই কামনা কৰিছো



বুলিমণি কলিতা
শিৱসাগৰ ছোৱালী মহাবিদ্যালয়
দূৰভাষা~৯৭০৬১০৮৫২৯